雨下遊澳門

昨天網主跟家人到了澳門逛逛，其實網主上一次到訪澳門已是十一年前，所以今次基本可當作第一次到澳門．．．

「澳門」會令你即時諗起咩？豬扒包、大三巴、賭場？

網主在這次澳門之旅的之前和之後，對佢最大既印象都係賭場、賭錢。

網主同家人一共去左5間賭場，先後去左威尼斯人、新舊葡京、美高梅同海立方。

●新葡京

其實我對賭博毫無興趣，但好在我家人也對那些賭錢遊戲不沉迷，所以在每間賭場逗留也不超過20分鐘。

PS:其實我仍未成年，當初以為可能入唔到賭場，但原來個度d職員根本完全唔理XD

其實今次既旅程除左入下賭場，主要都係食下野

豬扒包、咖哩粉麵、街頭牛雜、蟹粥、魚湯、魚翅等等都令網主食到唔停口．．．

雖然今次到澳門前已知道會落雨，但由於家人的時間很難得可以配合，因此沒取消行程

●雨下的大三巴

事實上，昨天雨未停過，有時仲幾大。網主從天氣變化看得出冷鋒於中午前後開始橫過澳門，當時冷冷的狂風伴著雨地掃過來，感覺十分的寒冷

●而在冷鋒未來前，無論澳門同香港都好大霧，遠一點的風景亦睇不清

總結今次既澳門之旅，其實澳門冇網主之前想像中咁細，不過d街道就真係比想像中窄好多，好多時人車都係行同一條路，所以感覺有d辛苦...

仲有希望下次去澳門唔好落雨...

網民的創意

（以下篇文章會用輕鬆少少既文字黎寫，希望大家會習慣）

網主近排開始放復活節假...又咁岩考晒試...所以呢一兩日都放鬆下自己，但只係無無聊聊咁上下網...上完youtube又上facebook睇下野...再唔係就上下forum消磨時間
(PS:其實我有功課未做XD，唔好學我咁懶)

點知我上上下youtube睇番過往香港打風個陣d新聞片...發現影片上載者將d標題改到好衰(都唔知話佢有創意定抵死好...但總之佢地定個標題時心地一定唔好得去邊)

以下就係一d好例子:

標題：三號風球「派比安」之 垃圾筒追擊愚昧師奶


標題：八號風球「黑格比」之 無能婦孺撞燈柱


其實新聞片中d女主角睇番youtube個陣，見到自己「瘀」爆場面已經比成萬人睇過時，佢地會有咩感受？

雖然網民做d咩野，我地係控制唔到，但我地就可以盡量控制自己在公眾場合「出醜」既機會。所以，第日打風個陣，都係最好趁未起風個陣就番屋企啦，就算迫住好夜先可以放工番歸，都要留意下周圍有冇攝影鏡頭，以免日後成為網上被恥笑既女主角。仲有好正經咁同大家講，要遠離岸邊，唔好以為身處於尖沙咀就好安全，其實個度經常好當風。

PS:我最初睇到以上兩段片時，係睇緊無線新聞時睇到，不過我第一個反應當然冇笑，當時只覺得派比安威力真係勁，連個人都吹得郁，只係後來上youtube見到d標題時覺得班網民好有創意及同少少幽默。